നോഡൽ സ്ഥാപനങ്ങൾക്കുള്ള മാർഗനിർദേശങ്ങൾ

പങ്കെടുക്കുന്ന സ്ഥാപനങ്ങളെ തിരഞ്ഞെടുക്കുന്നതിനുള്ള മൂല്യനിർണയ സമിതി

മാനക പ്രവർത്തന നടപടിക്രമം, കത്തിന്റെ അനുബന്ധം-V

സൂക്ഷ്മപരിശോധനയ്ക്കു ശേഷം (സ്ഥാപനത്തിന്റെ തിരിച്ചറിയൽ വിവരങ്ങൾ, സ്ഥലം, അംഗീകാരം/അഫിലിയേഷൻ, ബാധകമായിടത്ത് AISHE/സ്ഥാപന കോഡ്, ബന്ധപ്പെടാനുള്ള ഔദ്യോഗിക വിവരങ്ങൾ, സ്ഥാപനത്തിന്റെ സക്ഷമ അധികാരിയുടെ അംഗീകാരം) യോഗ്യമെന്ന് കണ്ടെത്തുന്ന അപേക്ഷകൾ മാത്രമേ മൂല്യനിർണയ സമിതിയുടെ മുമ്പാകെ വയ്ക്കൂ; പരിഹരിക്കാവുന്ന പോരായ്മകൾ വിജ്ഞാപനം ചെയ്ത സൂക്ഷ്മപരിശോധനാ കാലയളവിനുള്ളിൽ തിരുത്താം.

1. സമിതി രൂപീകരണം: ഓരോ നോഡൽ സ്ഥാപനത്തിന്റെയും മേധാവി ഒരു മൂല്യനിർണയ സമിതി രൂപീകരിക്കേണ്ടതാണ്.
2. സമിതി അംഗങ്ങൾ: സംസ്ഥാന / കേന്ദ്രഭരണ പ്രദേശ നോഡൽ ഓഫീസർ ഉൾപ്പെടെ കുറഞ്ഞത് മൂന്ന് അംഗങ്ങൾ സമിതിയിൽ ഉണ്ടായിരിക്കേണ്ടതാണ്.
3. മൂല്യനിർണയ പ്രക്രിയ: യോഗ്യതയുള്ള എല്ലാ അപേക്ഷകളും സമിതി മൂല്യനിർണയം നടത്തി, മാനക പ്രവർത്തന നടപടിക്രമത്തിലെ ഖണ്ഡിക 3-ൽ പറയുന്ന മാനദണ്ഡങ്ങൾക്കും സ്കോറിങ് പരാമീറ്ററുകൾക്കും അനുസൃതമായി മാർക്ക് നൽകേണ്ടതാണ്.
4. സാക്ഷ്യപ്പെടുത്തൽ: സമിതിയിലെ എല്ലാ അംഗങ്ങളും മൂല്യനിർണയ ഷീറ്റുകളിൽ ഒപ്പുവയ്ക്കേണ്ടതാണ്.
5. അംഗീകാരം: തിരഞ്ഞെടുപ്പ് പട്ടികയും കാത്തിരിപ്പ് പട്ടികയും നോഡൽ സ്ഥാപനത്തിന്റെ സക്ഷമ അധികാരിയുടെ അംഗീകാരത്തിനായി സമിതി ശുപാർശ ചെയ്യേണ്ടതാണ്.