KTS 5.0 ਪ੍ਰੋਗਰਾਮ
ਵਿਸਤ੍ਰਿਤ ਪ੍ਰੋਜੈਕਟ ਰਿਪੋਰਟ ਅਨੁਸਾਰ ਕਾਸ਼ੀ ਤਮਿਲ ਸੰਗਮਮ 5.0 ਲਈ CICT ਵੱਲੋਂ ਕੀਤੇ ਜਾਣ ਵਾਲੇ ਕਾਰਜ।
I ਅਕਾਦਮਿਕ ਓਰੀਐਂਟੇਸ਼ਨ ਅਤੇ ਸਿਖਲਾਈ ਪ੍ਰੋਗਰਾਮ
ਸਮਰਪਿਤ ਪੋਰਟਲ
ਇਹ ਵੈੱਬਸਾਈਟ: ਪ੍ਰੋਗਰਾਮ ਦੇ ਪ੍ਰਬੰਧ, ਪ੍ਰਤੀਭਾਗੀਆਂ ਦੀ ਰਜਿਸਟ੍ਰੇਸ਼ਨ, ਸਮੱਗਰੀ ਪਹੁੰਚਾਉਣ ਅਤੇ ਭਾਗੀਦਾਰ ਏਜੰਸੀਆਂ ਵਿਚਕਾਰ ਤਾਲਮੇਲ ਲਈ ਇੱਕੋ ਥਾਂ। ਇਸ ਵਿੱਚ ਰਜਿਸਟ੍ਰੇਸ਼ਨ ਅਤੇ ਚੋਣ ਪ੍ਰਣਾਲੀ, ਆਨਲਾਈਨ ਪ੍ਰੀਖਿਆ ਵਾਲਾ ਉਮੀਦਵਾਰ ਪੋਰਟਲ, ਡਿਜੀਟਲ ਭੰਡਾਰ ਅਤੇ ਭਾਈਵਾਲਾਂ ਦਾ ਤਾਲਮੇਲ ਕੇਂਦਰ ਸ਼ਾਮਲ ਹਨ।
ਡਿਜੀਟਲ ਸਰੋਤ ਅਤੇ ਸਹਾਇਕ ਸਮੱਗਰੀ
ਸਿੱਖਣ-ਸਮੱਗਰੀ ਅਤੇ ਖੋਜ ਸਰੋਤਾਂ ਦਾ ਭੰਡਾਰ, ਜੋ ਹਰ ਕਿਸੇ ਦੀ ਪਹੁੰਚ ਵਿੱਚ ਹੈ: ਭਾਰਤੀ ਅਤੇ ਵਿਦੇਸ਼ੀ ਭਾਸ਼ਾਵਾਂ ਵਿੱਚ ਤਿਰੁੱਕੁਰਲ, ਖੋਜ ਪ੍ਰਕਾਸ਼ਨ, ਤਿਰੁੱਕੁਰਲ ਬਹੁ-ਭਾਸ਼ਾਈ ਐਪ, ਤਾੜ-ਪੱਤਰ ਹੱਥ-ਲਿਖਤਾਂ ਦਾ ਤਿਰੁੱਕੁਰਲ ਗਰਾਊਂਡ-ਟਰੁੱਥ ਕਾਰਪਸ ਅਤੇ ਸੰਬੰਧਿਤ ਵੈੱਬਸਾਈਟਾਂ।
ਡਿਜੀਟਲ ਭੰਡਾਰ 22 ਭਾਸ਼ਾਵਾਂ ਵਿੱਚ ਤਿਰੁੱਕੁਰਲਦੇਸ਼-ਵਿਆਪੀ ਪ੍ਰਚਾਰ ਅਤੇ ਵਿਦਿਆਰਥੀ ਰਜਿਸਟ੍ਰੇਸ਼ਨ
ਸਿੱਖਿਆ ਸੰਸਥਾਵਾਂ, ਡਿਜੀਟਲ ਮੀਡੀਆ ਅਤੇ ਭਾਈਵਾਲ ਯੂਨੀਵਰਸਿਟੀਆਂ ਰਾਹੀਂ ਭਾਰਤ ਭਰ ਵਿੱਚ ਚਲਾਈ ਜਾਣ ਵਾਲੀ ਮੁਹਿੰਮ ਤਹਿਤ 1,000 ਕਾਲਜਾਂ ਵਿੱਚੋਂ 1,000 ਵਿਦਿਆਰਥੀਆਂ ਦੀ ਚੋਣ ਲਈ ਅਰਜ਼ੀਆਂ ਮੰਗੀਆਂ ਜਾਂਦੀਆਂ ਹਨ। ਅਰਜ਼ੀਆਂ ਇਸੇ ਪੋਰਟਲ ’ਤੇ ਪ੍ਰਾਪਤ ਕੀਤੀਆਂ ਜਾਂਦੀਆਂ ਹਨ ਅਤੇ ਇੱਥੇ ਹੀ ਉਨ੍ਹਾਂ ’ਤੇ ਕਾਰਵਾਈ ਹੁੰਦੀ ਹੈ।
- ਰਜਿਸਟ੍ਰੇਸ਼ਨ ਦੀ ਮਿਆਦ: 25-09-2026 – 15-11-2026
- ਯੋਗਤਾ: ਭਾਰਤ ਦੇ ਕਿਸੇ ਵੀ ਕਾਲਜ ਜਾਂ ਯੂਨੀਵਰਸਿਟੀ ਵਿੱਚ ਇਸ ਸਮੇਂ ਪੜ੍ਹ ਰਹੇ ਵਿਦਿਆਰਥੀ
- ਹਰ ਸੰਸਥਾ ਵਿੱਚੋਂ ਇੱਕ ਪ੍ਰਤੀਨਿਧੀ
ਪ੍ਰੀਖਿਆ ਅਤੇ ਚੋਣ
ਤਿਰੁੱਕੁਰਲ ਬਾਰੇ ਬਿਨੈਕਾਰਾਂ ਦੀ ਸਮਝ ਦਾ ਸੁਰੱਖਿਅਤ ਅਤੇ ਮਿਆਰੀ ਆਨਲਾਈਨ ਮੁਲਾਂਕਣ, ਜੋ ਹਰ ਬਿਨੈਕਾਰ ਦੀ ਚੁਣੀ ਹੋਈ ਭਾਸ਼ਾ ਵਿੱਚ ਲਿਆ ਜਾਂਦਾ ਹੈ। ਨਤੀਜਿਆਂ ਦੇ ਆਧਾਰ ’ਤੇ 1,000 ਵਿਦਿਆਰਥੀ ਪ੍ਰਤੀਨਿਧੀਆਂ ਦੀ ਮੈਰਿਟ ਸੂਚੀ ਤਿਆਰ ਕੀਤੀ ਜਾਂਦੀ ਹੈ, ਹਰ ਸੰਸਥਾ ਵਿੱਚੋਂ ਇੱਕ।
- 29-11-2026, 11:00–12:00 IST · 30 ਮਿੰਟ
- 25 ਬਹੁ-ਵਿਕਲਪੀ ਵਸਤੂਨਿਸ਼ਠ ਪ੍ਰਸ਼ਨ · 4 ਅੰਕ ਪ੍ਰਤੀ ਪ੍ਰਸ਼ਨ · ਕੋਈ ਨੈਗੇਟਿਵ ਮਾਰਕਿੰਗ ਨਹੀਂ
21 ਭਾਸ਼ਾਵਾਂ ਵਿੱਚ ਆਨਲਾਈਨ ਓਰੀਐਂਟੇਸ਼ਨ
ਤਿਰੁੱਕੁਰਲ ਬਾਰੇ ਅਕਾਦਮਿਕ ਵੀਡੀਓ ਲੈਕਚਰਾਂ ਦੀ ਦਸ ਭਾਗਾਂ ਦੀ ਲੜੀ, ਜੋ ਤਮਿਲ ਤੋਂ ਇਲਾਵਾ 21 ਅਨੁਸੂਚਿਤ ਭਾਸ਼ਾਵਾਂ ਵਿੱਚ ਅਨੁਵਾਦ, ਡੱਬਿੰਗ ਜਾਂ ਉਪ-ਸਿਰਲੇਖਾਂ ਸਮੇਤ ਹਰ ਭਾਸ਼ਾ ਵਿੱਚ ਵੱਖਰੇ ਤੌਰ ’ਤੇ ਪੇਸ਼ ਕੀਤੀ ਜਾਂਦੀ ਹੈ; ਹਰ ਸੈਸ਼ਨ ਵਿੱਚ 20 ਮਿੰਟ ਦਾ ਲਾਈਵ ਪ੍ਰਸ਼ਨ-ਉੱਤਰ ਹੁੰਦਾ ਹੈ।
ਓਰੀਐਂਟੇਸ਼ਨਇੱਕ ਮਹੀਨੇ ਦੀ ਇੰਟਰਨਸ਼ਿਪ
ਚੁਣੇ ਗਏ ਸਾਰੇ 1,000 ਵਿਦਿਆਰਥੀ ਇੱਕ ਮਹੀਨੇ ਦੀ ਇੰਟਰਨਸ਼ਿਪ ਕਰਨਗੇ ਅਤੇ ਉਨ੍ਹਾਂ ਵਿੱਚੋਂ ਹਰੇਕ ਨੂੰ ₹10,000 ਦਾ ਵਜ਼ੀਫ਼ਾ ਦਿੱਤਾ ਜਾਵੇਗਾ, ਤਾਂ ਜੋ ਤਿਰੁੱਕੁਰਲ, ਇਸ ਦੀਆਂ ਕਦਰਾਂ-ਕੀਮਤਾਂ, ਇਸ ਦੇ ਦਰਸ਼ਨ ਅਤੇ ਅਜੋਕੇ ਸਮੇਂ ਵਿੱਚ ਇਸ ਦੀ ਸਾਰਥਕਤਾ ਬਾਰੇ ਉਨ੍ਹਾਂ ਦੀ ਸਮਝ ਹੋਰ ਡੂੰਘੀ ਹੋਵੇ।
ਵਿਦਿਆਰਥੀ ਪੇਸ਼ਕਾਰੀ ਅਤੇ ਗਿਆਨ ਦਾ ਪ੍ਰਸਾਰ
ਹਰ ਪ੍ਰਤੀਨਿਧੀ ਨੂੰ ਨਾਮਜ਼ਦ ਮਾਰਗਦਰਸ਼ਕ ਅਧਿਆਪਕ ਦੀ ਅਗਵਾਈ ਹੇਠ ਆਪਣੇ ਕਾਲਜ ਵਿੱਚ ਤਿਰੁੱਕੁਰਲ ਬਾਰੇ ਇੱਕ ਘੰਟੇ ਦੀ ਪੇਸ਼ਕਾਰੀ ਜਾਂ ਲੈਕਚਰ ਦੇਣ ਲਈ ਤਿਆਰ ਕੀਤਾ ਜਾਂਦਾ ਹੈ, ਤਾਂ ਜੋ 1,000 ਕੈਂਪਸਾਂ ਵਿੱਚੋਂ ਹਰੇਕ ਆਪਣੇ ਹੀ ਕਿਸੇ ਵਿਦਿਆਰਥੀ ਦੇ ਮੂੰਹੋਂ ਇਹ ਕੁਰਲ ਸੁਣੇ।
II ਐਪ, ਵੀਡੀਓ, ਫ਼ਿਲਮਾਂ, ਕਾਨਫ਼ਰੰਸਾਂ ਅਤੇ ਜਨਤਕ ਪ੍ਰਦਰਸ਼ਨ
ਤਿਰੁੱਕੁਰਲ ਬਹੁ-ਭਾਸ਼ਾਈ ਐਪ
ਸਾਰੇ 1,330 ਕੁਰਲ, 22 ਅਨੁਸੂਚਿਤ ਭਾਸ਼ਾਵਾਂ ਵਿੱਚ CICT ਦੇ ਅਨੁਵਾਦਾਂ, ਦੋ ਤਮਿਲ ਟੀਕਿਆਂ, ਅੰਗਰੇਜ਼ੀ ਵਾਰਤਕ, ਸ਼ਬਦ-ਪੱਧਰੀ ਵਿਆਕਰਨ, ਛੰਦ-ਵਿਸ਼ਲੇਸ਼ਣ ਅਤੇ ਤਾੜ-ਪੱਤਰ ਹੱਥ-ਲਿਖਤਾਂ ਦੇ ਹਵਾਲਿਆਂ ਸਮੇਤ। ਇਹ ਐਪ ਆਫ਼ਲਾਈਨ ਚੱਲਦੀ ਹੈ, ਇਸ ਵਿੱਚ ਕੋਈ ਇਸ਼ਤਿਹਾਰ ਨਹੀਂ ਹੈ ਅਤੇ ਇਹ CC BY 4.0 ਲਾਇਸੈਂਸ ਤਹਿਤ ਜਾਰੀ ਕੀਤੀ ਗਈ ਹੈ।
ਵਿੱਦਿਅਕ ਵੀਡੀਓ ਲੜੀ
ਚੋਣਵੇਂ ਕੁਰਲਾਂ ਬਾਰੇ ਭਾਰਤੀ ਭਾਸ਼ਾਵਾਂ ਵਿੱਚ ਵੀਹ-ਵੀਹ ਮਿੰਟ ਦੇ ਲੈਕਚਰ, ਜੋ ਉਨ੍ਹਾਂ ਦੇ ਅਰਥ, ਕਦਰਾਂ-ਕੀਮਤਾਂ ਅਤੇ ਸਾਰਥਕਤਾ ਦੀ ਵਿਆਖਿਆ ਕਰਦੇ ਹਨ; ਇਹ CICT ਦੇ YouTube ਚੈਨਲਾਂ ਅਤੇ ਇਸ ਪੋਰਟਲ ’ਤੇ ਪ੍ਰਕਾਸ਼ਿਤ ਕੀਤੇ ਜਾਂਦੇ ਹਨ।
ਤਿਰੁੱਕੁਰਲ ਆਡੀਓ-ਪੁਸਤਕਾਂ
ਕਈ ਭਾਸ਼ਾਵਾਂ ਵਿੱਚ ਅਰਥਾਂ, ਵਿਆਖਿਆਵਾਂ ਅਤੇ ਅਨੁਵਾਦਾਂ ਸਮੇਤ ਕੁਰਲਾਂ ਦਾ ਪਾਠ; ਇਹ ਨੇਤਰਹੀਣ ਵਿਦਿਆਰਥੀਆਂ, ਸੁਣ ਕੇ ਸਿੱਖਣ ਵਾਲਿਆਂ ਅਤੇ ਤਮਿਲ ਨਾ ਜਾਣਨ ਵਾਲੇ ਸਰੋਤਿਆਂ ਲਈ ਤਿਆਰ ਕੀਤੀਆਂ ਗਈਆਂ ਹਨ।
ਤਿਰੁੱਕੁਰਲ ਪਾਠ ਐਪ
ਪੂਰੇ ਗ੍ਰੰਥ ਦਾ ਕੁਰਲ-ਦਰ-ਕੁਰਲ ਪਾਠ, ਡਾ. ਮੁ. ਵਰਦਰਾਜਨ ਦੇ ਤਮਿਲ ਟੀਕੇ ਸਮੇਤ, ਸਹੀ ਉਚਾਰਨ ਅਤੇ ਤਿੰਨਾਂ ਭਾਗਾਂ ਦੇ ਅਧਿਐਨ ਲਈ।
ਲਘੂ ਫ਼ਿਲਮਾਂ
ਪੰਦਰਾਂ-ਪੰਦਰਾਂ ਮਿੰਟ ਦੀਆਂ ਫ਼ਿਲਮਾਂ, ਜੋ ਨੈਤਿਕ ਅਗਵਾਈ, ਸਮਾਜਿਕ ਸਦਭਾਵਨਾ, ਸੱਚਾਈ, ਸ਼ੁਕਰਗੁਜ਼ਾਰੀ ਅਤੇ ਨਾਗਰਿਕ ਫ਼ਰਜ਼ ਬਾਰੇ ਚੋਣਵੇਂ ਕੁਰਲਾਂ ਨੂੰ ਨਾਟਕੀ ਰੂਪ ਵਿੱਚ ਪੇਸ਼ ਕਰਦੀਆਂ ਹਨ; ਇਹ KTS ਦੇ ਸਮਾਗਮ-ਸਥਾਨਾਂ, ਕੈਂਪਸਾਂ ਅਤੇ ਪ੍ਰਸਾਰਣ ਚੈਨਲਾਂ ’ਤੇ ਵਿਖਾਈਆਂ ਜਾਂਦੀਆਂ ਹਨ।
ਰੀਲਾਂ ਅਤੇ ਸ਼ਾਰਟਸ
ਇੱਕ-ਇੱਕ ਕੁਰਲ ਬਾਰੇ ਸੱਠ ਤੋਂ ਨੱਬੇ ਸਕਿੰਟ ਦੀਆਂ ਐਨੀਮੇਟਡ ਵੀਡੀਓ, ਜੋ ਮਸਨੂਈ ਬੁੱਧੀ ਦੀ ਮਦਦ ਨਾਲ ਤਿਆਰ ਕੀਤੀਆਂ ਜਾਂਦੀਆਂ ਹਨ ਅਤੇ ਜਿਨ੍ਹਾਂ ਵਿੱਚ ਕਈ ਭਾਸ਼ਾਵਾਂ ਦੇ ਉਪ-ਸਿਰਲੇਖ ਹੁੰਦੇ ਹਨ; ਇਹ CICT ਦੇ ਸੋਸ਼ਲ ਮੀਡੀਆ ਚੈਨਲਾਂ ’ਤੇ ਰੋਜ਼ ਪ੍ਰਕਾਸ਼ਿਤ ਕੀਤੀਆਂ ਜਾਂਦੀਆਂ ਹਨ।
ਤਿਰੁੱਕੁਰਲ ਬਾਰੇ ਸਾਲਾਨਾ ਰਾਸ਼ਟਰੀ ਕਾਨਫ਼ਰੰਸ
ਭਾਰਤੀ ਭਾਸ਼ਾ ਸਮਿਤੀ ਅਤੇ ਬਨਾਰਸ ਹਿੰਦੂ ਯੂਨੀਵਰਸਿਟੀ ਦੇ ਸਹਿਯੋਗ ਨਾਲ ਵੱਡੇ ਸ਼ਹਿਰਾਂ ਵਿੱਚ ਕਰਵਾਈ ਜਾਂਦੀ ਹੈ, ਜਿੱਥੇ ਹਰ ਭਾਸ਼ਾ-ਖੇਤਰ ਦੇ ਵਿਦਵਾਨ ਅਤੇ ਅਨੁਵਾਦਕ ਇਕੱਠੇ ਹੁੰਦੇ ਹਨ।
ਜਨਤਕ ਪ੍ਰਦਰਸ਼ਨ
ਭਾਰਤੀ ਰੇਲਵੇ, ਭਾਰਤੀ ਹਵਾਈ ਅੱਡਾ ਅਥਾਰਟੀ ਅਤੇ ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ਦੇ ਤਾਲਮੇਲ ਨਾਲ ਰੇਲਵੇ ਸਟੇਸ਼ਨਾਂ, ਹਵਾਈ ਅੱਡਿਆਂ ਅਤੇ ਰਾਜਮਾਰਗਾਂ ਦੇ ਟੋਲ ਪਲਾਜ਼ਿਆਂ ’ਤੇ ਯਾਤਰੀ ਸੂਚਨਾ ਪ੍ਰਣਾਲੀਆਂ ਅਤੇ ਸਾਈਨ-ਬੋਰਡਾਂ ਉੱਤੇ ਅਨੁਵਾਦ ਸਮੇਤ ਕੁਰਲ।
ਕਾਮਿਕ ਪੁਸਤਕਾਂ
ਤਿਰੁੱਕੁਰਲ ਤੋਂ ਪ੍ਰੇਰਿਤ ਬੱਚਿਆਂ ਲਈ ਸਚਿੱਤਰ ਕਹਾਣੀਆਂ, ਪਹਿਲਾਂ ਅੰਗਰੇਜ਼ੀ ਅਤੇ ਹਿੰਦੀ ਵਿੱਚ; ਇਹ ਸਕੂਲ ਬੋਰਡਾਂ ਰਾਹੀਂ ਵੰਡੀਆਂ ਜਾਂਦੀਆਂ ਹਨ ਅਤੇ ਇਸ ਪੋਰਟਲ ਤੋਂ ਡਾਊਨਲੋਡ ਕੀਤੀਆਂ ਜਾ ਸਕਦੀਆਂ ਹਨ।
ਪੋਸਟਰ ਅਤੇ ਚਾਰਟ
ਸਕੂਲਾਂ, ਕਾਲਜਾਂ ਅਤੇ ਲਾਇਬ੍ਰੇਰੀਆਂ ਲਈ ਕਈ ਭਾਸ਼ਾਵਾਂ ਵਿੱਚ ਛਪਾਈ ਲਈ ਤਿਆਰ ਪੋਸਟਰ; ਇਹ CBSE, KVS, JNV ਅਤੇ ਰਾਜਾਂ ਦੇ ਸਕੂਲ ਨੈੱਟਵਰਕਾਂ ਨੂੰ ਵੰਡੇ ਜਾਂਦੇ ਹਨ ਅਤੇ ਡਾਊਨਲੋਡ ਲਈ ਵੀ ਉਪਲਬਧ ਹਨ।
III ਤਮਿਲ ਨਾ ਬੋਲਣ ਵਾਲੇ ਵਿਦਿਆਰਥੀਆਂ ਤੱਕ ਪਹੁੰਚ
ਰੋਜ਼ਾਨਾ ਕੁਰਲ
ਸਕੂਲ ਦੇ 200 ਦਿਨਾਂ ਲਈ ਕੁਰਲਾਂ ਦਾ ਕੈਲੰਡਰ, ਹਰ ਸਵੇਰ ਦੀ ਸਭਾ ਲਈ ਇੱਕ ਕੁਰਲ, ਸਕੂਲ ਦੀ ਭਾਸ਼ਾ ਵਿੱਚ ਅਨੁਵਾਦ ਅਤੇ ਅਰਥ ਸਮੇਤ; ਇਹ ਛਪੇ ਹੋਏ ਫ਼ਲਿੱਪ-ਚਾਰਟਾਂ ਅਤੇ ਡਿਜੀਟਲ ਪੈਕੇਜਾਂ ਦੇ ਰੂਪ ਵਿੱਚ ਵੰਡਿਆ ਜਾਂਦਾ ਹੈ।
ਰੋਜ਼ਾਨਾ ਕੁਰਲਕਹਾਣੀ ਸੁਣਾਉਣਾ
ਸਕ੍ਰਿਪਟਾਂ ਦੇ ਸੰਗ੍ਰਹਿ, ਕਹਾਣੀ ਸੁਣਾਉਣ ਲਈ ਮਾਰਗਦਰਸ਼ਕ ਪੁਸਤਿਕਾਵਾਂ ਅਤੇ ਮੰਚ ਲਈ ਸੁਝਾਅ, ਤਾਂ ਜੋ ਵਿਦਿਆਰਥੀ ਕਹਾਣੀਆਂ, ਭਾਸ਼ਣਾਂ, ਸਕਿੱਟਾਂ, ਨਾਟਕਾਂ ਅਤੇ ਨ੍ਰਿਤ-ਨਾਟਕਾਂ ਰਾਹੀਂ ਤਿਰੁੱਕੁਰਲ ਦੀਆਂ ਕਦਰਾਂ-ਕੀਮਤਾਂ ਪੇਸ਼ ਕਰ ਸਕਣ।
ਤਿਰੁੱਕੁਰਲ ਖੇਡ ਐਪ
ਸ਼ਬਦ-ਪਹੇਲੀਆਂ, ਬੁਝਾਰਤਾਂ, ਸਤਰ ਪੂਰੀ ਕਰਨ ਦੀਆਂ ਖੇਡਾਂ, ਯਾਦਦਾਸ਼ਤ ਦੇ ਜੋੜੇ, ਸ਼ਬਦ ਬੁੱਝਣ ਅਤੇ ਟਾਈਪਿੰਗ ਦੀਆਂ ਚੁਣੌਤੀਆਂ; ਕਈ ਭਾਸ਼ਾਵਾਂ ਵਿੱਚ ਇੰਟਰਫ਼ੇਸ ਅਤੇ ਸ਼ੁਰੂਆਤੀ ਤੋਂ ਵਿਦਵਾਨ ਤੱਕ ਦੇ ਪੱਧਰ।
