KTS 5.0 కార్యక్రమం
సమగ్ర ప్రాజెక్టు నివేదికలో పేర్కొన్న ప్రకారం, కాశీ తమిళ సంగమం 5.0 కోసం CICT చేపట్టనున్న పనులు.
I విద్యా ఓరియెంటేషన్, శిక్షణ కార్యక్రమం
ప్రత్యేక పోర్టల్
ఈ వెబ్సైట్: కార్యక్రమ నిర్వహణ, పాల్గొనేవారి నమోదు, అభ్యసన సామగ్రి అందజేత, భాగస్వామ్య సంస్థల మధ్య సమన్వయం అన్నింటికీ ఒకే వేదిక. నమోదు, ఎంపిక వ్యవస్థ, ఆన్లైన్ పరీక్షతో కూడిన అభ్యర్థి పోర్టల్, డిజిటల్ భాండాగారం, భాగస్వామ్య సంస్థల సమన్వయ కేంద్రం ఇందులో ఉన్నాయి.
డిజిటల్ వనరులు, అనుబంధ సామగ్రి
అభ్యసన సామగ్రి, పరిశోధన వనరులతో అందరికీ పూర్తిగా అందుబాటులో ఉండే భాండాగారం: భారతీయ, విదేశీ భాషల్లో తిరుక్కురళ్, పరిశోధన ప్రచురణలు, తిరుక్కురళ్ బహుభాషా యాప్, తాళపత్ర గ్రంథాల తిరుక్కురళ్ గ్రౌండ్-ట్రూత్ కార్పస్, సంబంధిత వెబ్సైట్లు.
డిజిటల్ భాండాగారం 22 భాషల్లో తిరుక్కురళ్దేశవ్యాప్త ప్రచారం, విద్యార్థుల నమోదు
విద్యా సంస్థలు, డిజిటల్ మాధ్యమాలు, భాగస్వామ్య విశ్వవిద్యాలయాల ద్వారా భారతదేశమంతటా సాగే ప్రచార కార్యక్రమం 1,000 కళాశాలల నుంచి 1,000 మంది విద్యార్థుల ఎంపిక కోసం దరఖాస్తులను ఆహ్వానిస్తుంది. దరఖాస్తుల స్వీకరణ, పరిశీలన ఈ పోర్టల్లోనే జరుగుతాయి.
- నమోదు వ్యవధి: 25-09-2026 – 15-11-2026
- అర్హత: భారతదేశంలోని ఏదైనా కళాశాల లేదా విశ్వవిద్యాలయంలో ప్రస్తుతం చదువుతున్న విద్యార్థులు
- ప్రతి సంస్థ నుంచి ఒక ప్రతినిధి
పరీక్ష, ఎంపిక
తిరుక్కురళ్పై దరఖాస్తుదారుల అవగాహనను అంచనా వేసే సురక్షితమైన, ప్రామాణిక ఆన్లైన్ మూల్యాంకనం; ప్రతి దరఖాస్తుదారు ఎంచుకున్న భాషలోనే దీనిని నిర్వహిస్తారు. ఫలితాల ఆధారంగా, ప్రతి సంస్థ నుంచి ఒకరు చొప్పున 1,000 మంది విద్యార్థి ప్రతినిధుల మెరిట్ జాబితాను రూపొందిస్తారు.
- 29-11-2026, 11:00–12:00 IST · 30 నిమిషాలు
- 25 ఆబ్జెక్టివ్ బహుళైచ్ఛిక ప్రశ్నలు · 4 మార్కుల చొప్పున · నెగెటివ్ మార్కులు లేవు
21 భాషల్లో ఆన్లైన్ ఓరియెంటేషన్
తిరుక్కురళ్పై పది భాగాల విద్యా వీడియో ఉపన్యాసాల శ్రేణి; తమిళం కాకుండా మిగిలిన 21 షెడ్యూల్డ్ భాషల్లోకి అనువదించి, డబ్బింగ్ లేదా ఉపశీర్షికలతో, ఒక్కో భాషలో విడిగా అందిస్తారు. ప్రతి సెషన్లో 20 నిమిషాల ప్రత్యక్ష ప్రశ్నోత్తరాలు ఉంటాయి.
ఓరియెంటేషన్ఒక నెల ఇంటర్న్షిప్
ఎంపికైన మొత్తం 1,000 మంది విద్యార్థులు తిరుక్కురళ్, దాని విలువలు, తత్వం, నేటి కాలానికి దాని ప్రాసంగికతపై తమ అవగాహనను మరింత పెంచుకోవడానికి ఒక నెల ఇంటర్న్షిప్ చేస్తారు; ప్రతి ఒక్కరికీ ₹10,000 స్టైపెండ్ అందజేస్తారు.
విద్యార్థి ప్రజెంటేషన్, జ్ఞాన వ్యాప్తి
నియమిత అధ్యాపక మార్గదర్శి పర్యవేక్షణలో, ప్రతి ప్రతినిధినీ తమ సొంత కళాశాలలో తిరుక్కురళ్పై ఒక గంట ప్రజెంటేషన్ లేదా ఉపన్యాసం ఇచ్చేలా సిద్ధం చేస్తారు; తద్వారా 1,000 క్యాంపస్లలో ప్రతి ఒక్కటీ తన సొంత విద్యార్థి నోటనే కురళ్ళను వింటుంది.
II యాప్లు, వీడియోలు, చిత్రాలు, సదస్సులు, బహిరంగ ప్రదర్శనలు
తిరుక్కురళ్ బహుభాషా యాప్
22 షెడ్యూల్డ్ భాషల్లో CICT అనువాదాలతో మొత్తం 1,330 కురళ్ళు, రెండు తమిళ వ్యాఖ్యానాలు, ఆంగ్ల వచనం, పదస్థాయి వ్యాకరణం, ఛందో విశ్లేషణ, తాళపత్ర గ్రంథాల ప్రస్తావనలు. ఇది ఆఫ్లైన్లోనూ పనిచేస్తుంది, వాణిజ్య ప్రకటనలు ఉండవు, CC BY 4.0 లైసెన్సు కింద విడుదలైంది.
విద్యా వీడియో శ్రేణి
ఎంపిక చేసిన కురళ్ళ అర్థం, విలువలు, ప్రాసంగికతను వివరిస్తూ భారతీయ భాషల్లో సాగే ఇరవై నిమిషాల ఉపన్యాసాలు; వీటిని CICT YouTube ఛానళ్ళలో, ఈ పోర్టల్లో ప్రచురిస్తారు.
తిరుక్కురళ్ ఆడియో పుస్తకాలు
అనేక భాషల్లో అర్థాలు, వివరణలు, అనువాదాలతో కురళ్ళ పఠనం; దృష్టి లోపం ఉన్న విద్యార్థులు, విని నేర్చుకునేవారు, తమిళం తెలియని శ్రోతల కోసం రూపొందించారు.
తిరుక్కురళ్ పఠన యాప్
డా. ము. వరదరాజన్ తమిళ వ్యాఖ్యానంతో మొత్తం గ్రంథ పఠనం, ఒక్కో కురళ్ చొప్పున; సరైన ఉచ్చారణ కోసం, మూడు భాగాల అధ్యయనం కోసం.
లఘు చిత్రాలు
నైతిక నాయకత్వం, సామాజిక సామరస్యం, సత్యనిష్ఠ, కృతజ్ఞత, పౌర బాధ్యత వంటి అంశాలపై ఎంపిక చేసిన కురళ్ళను నాటకీయంగా చిత్రీకరించే పదిహేను నిమిషాల చిత్రాలు; KTS వేదికల్లో, క్యాంపస్లలో, ప్రసార సంస్థల ద్వారా ప్రదర్శిస్తారు.
రీల్స్, షార్ట్స్
ఒక్కో కురళ్పై, కృత్రిమ మేధ సహాయంతో రూపొందించిన అరవై నుంచి తొంభై సెకన్ల యానిమేటెడ్ వీడియోలు; అనేక భాషల ఉపశీర్షికలతో CICT సామాజిక మాధ్యమ ఛానళ్ళలో ప్రతిరోజూ ప్రచురిస్తారు.
తిరుక్కురళ్పై వార్షిక జాతీయ సదస్సు
భారతీయ భాషా సమితి, బనారస్ హిందూ విశ్వవిద్యాలయం సహకారంతో ప్రధాన నగరాల్లో నిర్వహిస్తారు; ప్రతి భాషా ప్రాంతానికి చెందిన పండితులను, అనువాదకులను ఇది ఒకే వేదికపైకి తెస్తుంది.
బహిరంగ ప్రదర్శనలు
భారతీయ రైల్వే, భారత విమానాశ్రయాల ప్రాధికార సంస్థ, భారత జాతీయ రహదారుల ప్రాధికార సంస్థల సమన్వయంతో రైల్వే స్టేషన్లు, విమానాశ్రయాలు, రహదారుల టోల్ ప్లాజాల్లోని ప్రయాణికుల సమాచార వ్యవస్థలు, సూచిక బోర్డులపై అనువాదాలతో కూడిన కురళ్ళు.
కామిక్ పుస్తకాలు
తిరుక్కురళ్ స్ఫూర్తితో పిల్లల కోసం రూపొందించిన బొమ్మల కథలు; మొదట ఆంగ్లం, హిందీ భాషల్లో. పాఠశాల విద్యా బోర్డుల ద్వారా పంపిణీ చేస్తారు; ఈ పోర్టల్ నుంచి డౌన్లోడ్ చేసుకోవచ్చు.
పోస్టర్లు, చార్టులు
పాఠశాలలు, కళాశాలలు, గ్రంథాలయాల కోసం అనేక భాషల్లో ముద్రణకు సిద్ధంగా ఉన్న పోస్టర్లు; CBSE, KVS, JNV, రాష్ట్ర పాఠశాలల నెట్వర్క్లకు పంపిణీ చేస్తారు, డౌన్లోడ్కూ అందుబాటులో ఉంటాయి.
III తమిళం మాట్లాడని విద్యార్థులకు చేరువ కావడం
రోజుకొక కురళ్
200 పాఠశాల పనిదినాల కోసం కురళ్ళ క్యాలెండర్; ప్రతి ఉదయ ప్రార్థనా సమావేశానికి ఒక కురళ్, పాఠశాల భాషలో అనువాదం, అర్థంతో సహా. ముద్రిత ఫ్లిప్-చార్టులుగా, డిజిటల్ ప్యాకేజీలుగా పంపిణీ చేస్తారు.
రోజుకొక కురళ్కథా కథనం
విద్యార్థులు కథలు, ప్రసంగాలు, లఘు నాటికలు, నాటకాలు, నృత్య రూపకాల ద్వారా తిరుక్కురళ్ విలువలను ప్రదర్శించేందుకు వీలుగా స్క్రిప్టుల సంకలనాలు, కథనానికి మార్గదర్శకాలు, రంగస్థల ప్రదర్శనకు ఆలోచనలు.
తిరుక్కురళ్ ఆటల యాప్
గళ్ళ నుడికట్లు, పజిల్స్, పాదాన్ని పూర్తి చేసే ఆటలు, జ్ఞాపకశక్తి జతలు, పదాన్ని ఊహించే, టైపింగ్ సవాళ్ళు; అనేక భాషల ఇంటర్ఫేస్లతో, ప్రారంభ స్థాయి నుంచి పండిత స్థాయి వరకు.
