22 भासांनी तिरुक्कुरल

யாவரிடமும் எளிய செவ்வியரானால், பண்புடைமையென்னும் நன்னெறியில் ஒழுகுதல் எளிதென்று நூலோர் கூறுவர்.

அன்புடைமை, நற்குடியில் பிறத்தல் ஆகிய இரண்டும் பண்புடைமை என்று உலகோர் சொல்லும் நல்ல நெறியாகும்.

உடலால் ஒத்திருத்தல் ஒருவனுக்கு நன்மக்களோடு ஒப்பு ஆகாது; நிலைத்திருக்கும் பண்புகளால் தன் மக்களோடு ஒத்திருத்தலே ஒப்பாகும்.

நீதியையும் அறத்தையும் விரும்புவதால் பிறர்க்கும் தமக்கும் பயன்படுவாரது பண்பை உலகத்தார் போற்றுவர்.

பிறர் தன்னை இகழ்தல் ஒருவனுக்கு விளையாட்டிலும் துன்பம் தருவதாகும்; ஆதலால், பிறர் பாடறிந்து ஒழுகுவாரிடம் பகைமை உள்ளபோதும் அந்த இகழ்ச்சி தோன்றாது; இனிய பண்புகளே உள்ளனவாகும்.

பண்புடையாரிடம் இருத்தலால் உலகியல் எப்போதும் உள்ளதாகும்; பண்புடையாரிடம் இல்லையானால் அது மண்ணில் புகுந்து மாய்ந்துபோகும். பண்புடையார் இல்லையேல், உலகியல் ஒருசார்பும் இல்லாமல் அழியும்.

நன்மக்கட்கு உரிய பண்பற்றவர் அரம்போன்ற கூர்மைகொண்ட அறிவு உடையவராயினும் மரத்தினை ஒப்பர்.

நட்புணர்வு இல்லாது பகைமைகொண்டு தீங்கைச் செய்வாரிடமும் தாம் பண்புடையராக ஒழுகாமை அறிவுடையார்க்கு இழுக்காகும்.

பண்பு இல்லாமையால் யாவரோடும் கலந்து உள்ளம் மகிழ்தல் இயலாதவர்க்கு மிகப்பெரிய உலகம் பகலிலும் இருள் அடைந்ததுபோலாம்.

நற்பண்பில்லாதவன் பெற்ற பெருஞ்செல்வமானது, நல்ல ஆவின்பால் அது வைக்கப்பட்ட பாத்திரத்தின் குறையால் கெட்டதுபோலாம். அச்செல்வம் யாருக்கும் பயன்படாதுபோகும்.