22 भाषाओं में तिरुक्कुरल

ஒரு செயலை மேற்கொள்ளும்போது அதற்கு வேண்டிய கருவிகளும், அதற்கேற்ற காலமும், அதைச் செய்யும் முறையும், அவ்வழியில் செய்யப்படும் அரிய வினையும் ஆகியவற்றை எல்லாம் தக்கவாறு எண்ணவல்லவனே அமைச்சனாவான்.

வினை மேற்கொள்ளும்போது தளராமையும், குடிகளைக் காத்தலும், அறநூல்களைக் கற்றுச் செய்வன தவிர்வன அறிதலும், முயற்சியும் ஆகியவற்றோடு ஐந்து அங்கங்களும் திருந்த உடையவனே அமைச்சனாவான்.

பகைவர்க்குத் துணையாயிருப்பாரை அவரிடமிருந்து பிரித்தலும், தம்முடன் இருப்பவரைக் கொடை, இன்சொல் ஆகியவற்றால் பேணிக்கொள்ளுதலும், முன்னே பிரிந்தவரைத் தம்முடன் இணைத்துக்கொள்ளுதலும் வல்லவனே அமைச்சனாவான்.

ஒரு செயலைச் செய்வதற்குப் பல வழிகள் இருப்பினும் தக்கதை ஆராய்ந்து அறிதலும், அது செய்யும்போது திறன் நாடிச் செய்தலும், செய்யக்கூடியது எதுவென்று துணிவுடன் சொல்லுதலும் வல்லவனே அமைச்சனாவான்.

அறங்களை அறிந்து, தனக்கேற்ற கல்வியால் நிறைந்தமைந்த சொற்களை உடையவனாய், எப்போதும் வினைசெய்யும் திறங்களை அறிந்தவன் அரசர்க்கு அறிவுரை கூறும் துணையாவான்.

நுண்ணறிவும் நூலறிவும் உடைய அமைச்சர்க்கு மிகநுட்பமுடைய சூழ்ச்சிகளென்று முன்னிற்பவை யாவை?

நூல்களின்மூலம் வினைசெய்யும் திறங்களை அறிந்திருந்தாலும் அமைச்சன் உலக நெறியறிந்து அதனோடு பொருந்தச் செயலாற்றல் வேண்டும்.

அறிந்து சொல்வாரது அறிவையும் அழித்து, அரசன் தானும் அறியாதவனாய் இருப்பினும் அரசனுக்கு உறுதியானவற்றைச் சொல்லுதல் அமைச்சனது கடமையாகும்.

அருகிலிருந்து அரசனுக்குத் தீங்கிழைக்க எண்ணும் அமைச்சன் ஒருவனில் எழுபது கோடிப் பகைவர் இருப்பர்.

வினையை முடித்தற்கேற்ற திறனற்றவர், செய்யப்பட வேண்டியவற்றை முன்னமேயே ஆராய்ந்து எண்ணியிருந்தும் அவற்றை வெற்றியோடு செய்து முடிக்கமாட்டார்.