22 भासांनी तिरुक्कुरल

ஆற்றல்மிக்கவராய்ப் பகைவர்மேல் படையெடுத்துச் செல்வார்க்கும் அரண் சிறந்தது; ஆற்றலற்றுப் பகைவர்க்கு அஞ்சி அரணையே அடைபவர்க்கும் அது சிறந்தது.

மணிபோலும் நிறத்தையுடைய நீரும், நிலமும், மலையும், நிழல்தரும் காடும் உள்ளதே நல்ல அரணாகும்.

உயரம், அகலம், குத்துப்படாத திண்மை, பொறிகளால் அணுக இயலாமை ஆகிய நான்கையும் மிகுதியாகவுடைய மதிலை அரண் என்று நூலோர் கூறுவர்.

காக்கவேண்டிய இடம் சிறியதாய், அகன்ற இடத்தைக் கொண்டதாய், தன்னை முற்றிய பகைவரது ஊக்கத்தைக் கெடுப்பதாய் அமைவதே அரணாகும்.

பகைவரால் கொள்ளுதற்கு அரிதாகி, உள்ளே இருப்பார்க்கு வேண்டிய அளவு உணவு பெற்றதாய், அவர் போர்செய்தற்கு எளிதாயதன்மை உடையதாய் அமைவதே அரணாகும்.

உள்ளிருப்பார்க்கு வேண்டிய பொருள்கள் எல்லாவற்றையும் உள்ளே உடையதாய், புறத்திருப்பார் அழிவு செய்யும் நிலை ஏற்படாமல் உதவும் நல்ல வீரரைத் தன்னகத்தே கொண்டதாய் விளங்குவதே அரணாகும்.

நெருங்கிச் சூழ்ந்தும், அவ்வாறு சூழாது தாக்கியும், உள்ளிருப்பாரைக் கீழறுத்துத் திறப்பித்தும், புறத்தோரால் கைப்பற்றுதற்கு அரியதே அரணாகும்.

படைப்பெருமையால் முற்றுகையிடுதலில் வல்லவராய் வந்து சூழ்ந்த பகைவரையும் தன்னைப் பற்றிய அகத்துள்ளோர் தாம் பற்றிய இடத்திலிருந்து நீங்காது நின்று வெல்ல உதவுவதே அரணாகும்.

போர் தொடங்கியவுடன் பகைவர் அழியும்வண்ணம் அகத்தோர் செய்யும் மாறுபட்ட போர்களால் வீறுபெற்று, மேலும் தேவையான மாட்சியை உடையதே அரணாகும்.

அரணானது எல்லாவகையான நன்மைகளை உடையதாயினும், வினையாற்றும் திறனில்லாதவரிடம் அவை பயனற்றுப்போகும்.