22 भासांनी तिरुक्कुरल

யானை, குதிரை, தேர், காலாள் ஆகிய நான்கு உறுப்புகளாலும் நிறைந்து, போரில் விளையும் துன்பங்களுக்கு அஞ்சாது நின்று, பகைவரை வெல்லும் படை அரசனுடைய செல்வங்கள் யாவற்றிலும் தலைசிறந்த செல்வமாகும்.

சிறிய படையாயிருப்பினும் அரசனுக்குப் போரில் துன்பம் நேரும்போது அதனை அஞ்சாது நின்று தாங்கும் வீரம், அவனது முன்னோரைத் தொடங்கிவரும் படைக்கல்லது வேறுபடைகளுக்கு இருக்காது.

எலிகளாகிய பகை ஒன்றுதிரண்டு கடல்போல ஒலியெழுப்பினால் நாகத்திற்கு என்ன துன்பம் வரும்? அந்நாகம் உயிர்ப்பின் எலிப்பகை தானே அழியும்.

போரில் அழியாமல், பகைவரால் கீழறுக்கப்படாமல், தொன்று தொட்டு வந்த வீரத்தை உடையதே அரசுக்குத்தக்க படையாகும்.

கூற்றுவன் தானே சினந்து பகைப்படையாய் வந்தாலும் பலரும் நெஞ்சொத்து எதிர்நிற்கும் மனவல்லமை உடையதே சிறந்த படையாகும்.

வீரம், மானம், முன் வீரர் சென்ற நன்னெறியில் செல்லுதல், அரசனால் தேறப்படுதல் ஆகிய நான்கு குணங்களுமே ஒரு படைக்குப் பாதுகாப்பாகும்.

பகைவரால் வகுக்கப்பட்டுத் தன்னை எதிர்த்துவந்த படையின் போரை விலக்கும் வகையறிந்து விலக்கி, அவரது தூசிப்படையைத் தனக்கு எதிரே வராமல் தடுத்துத் தான் அதனை எதிர்கொள்வதே சிறந்த படையாகும்.

பகைவரை எதிர்த்துச்சென்று, போரிடும் வல்லமையும் அவர் போரிட வந்தால் பொறுக்கும் ஆற்றலும் இல்லையாயினும், ஒரு படை தன் தோற்றப் பொலிவால் பெருமை அடையும்.

தேய்ந்து தேய்ந்து சிறிதாதலும், மனத்திலிருந்து நீங்காத வெறுப்பும், வறுமையும் இல்லையானால் படை பகைவரை எளிதில் வெல்லும்.

போரில் நிலையுடைய வீரரை மிக உடையதாயினும், தனக்குத் தலைவராகும் வீரர் இல்லாதபோது படையானது நிலைத்துநிற்காது.